नागरिकतासम्बन्धी विधेयक संसदीय समितिबाट सर्वसम्मत रुपमा पारित - Chaitanya News
  • 2026-11-16
  • 09:11:32
  • सोमबार,मंसिर ०१, २०८३
  • नागरिकतासम्बन्धी विधेयक संसदीय समितिबाट सर्वसम्मत रुपमा पारित

    नागरिकतासम्बन्धी विधेयक संसदीय समितिबाट सर्वसम्मत रुपमा पारित

    काठमाडौं– प्रतिनिधि सभाअन्तर्गतको राज्य व्यवस्था तथा सुशासन समितिबाट नागरिकता ऐन, २०६३ लाई संशोधन गर्न बनेको विधेयक पारित भएको छ।

    आज (मंगलबार) समितिको बैठकले उक्त विधेयक सर्वसम्मत रुपमा पारित गरेको हो।

    समितिका सभापति रामहरी खतिवडाले विधेयकले नागरिकता नभएका व्यक्तिलाई नागरिकता प्राप्त गर्न सहयोग पुग्ने विश्वास व्यक्त गरे।

    उनले सर्वसम्मत रुपबाट विधेयक पारित गराउन सहयोग गर्ने सांसदहरूलाई धन्यवाद दिए।

    समितिबाट पारित भएको नागरिकसम्बन्धी विधेयकलाई छिट्टै संसदमा पेस गरिने गरिने समेत उनले जानकारी दिए।