Chaitanya News

विश्व जनसंख्या दिवस, २०२४

Chaitanyakhabar

हरेक वर्ष जुलाई ११ तारिखका दिन यो दिवस मनाइन्छ । सन् १९८९ मा संयुक्त राष्ट्रसंघले जुलाई ११ लाई विश्व जनसंख्या दिवस मनाउने निर्णय गरे अनुसार सन् १९९० देखि यो दिवस मनाउन थालिएको हो । सन् १९८७ को जुलाई ११ का दिन विश्वको जनसंख्या ५ अर्ब पुगेको थियो । राष्ट्र संघका अनुसार संसारमा सबैभन्दा धेरै जनसंख्या चीनको छ। जनसंख्या सन् २०२२ मा ८ अर्ब पुगेको राष्ट्रसंघीय अनुमान छ।

राष्ट्रसंघले सन् २०३० मा विश्वको जनसंख्या आठ अर्ब ५० करोड हाराहारीमा पुग्ने प्रक्षेपण गरेको छ। त्यसै गरी सन् २०५० मा विश्वको जनसंख्या नौ अर्ब ७० करोड पुग्ने अनुमान गरिएको छ।

नारा (Slogan)

2022 : A Word of 8 billon : Towards a resilient Future for all harnessing opportunities and ensuring rights and choice
2023: ”Unleashing the Power of gender equality’
2024: Leave no one behind, count everyone

नेपालमा जनसंख्याको अवस्थाः

नेपालमा १९६८ सालदेखि हरेक १०–१० वर्षमा जनगणना हुँदै आएको छ । पहिलो जनगणना गर्दा देशको जनसंख्या ५६ लाख ३८ हजार ६ सय ४९ थियो । पहिलो जनगणनाको ११० वर्ष पहिला सन् १८०० मा नेपालको जनसंख्या ४० लाख रहेको अनुमान छ । नेपालको राष्ट्रिय जनगणना-२०७८ को तथ्याङ्कअनुसार देशको कुल जनसङ्ख्या २ करोड ९१ लाख ६४ हजार ५७८ पुगेको छ र वार्षिक जनसंख्या वृद्धिदर ०.९२ प्रतिशत रहेको छ ।
विश्वको कुल जनसंख्याको ६० प्रतिशत जनसंख्या एसिया महादेशमा छ । जसमा पनि धेरै जनसंख्या भएका देश नेपालसँग जोडिएका छन् । चीन र भारतमा मात्रै विश्वको कुल जनसंख्याको करिब ३५.८ प्रतिशत मान्छे बस्छन् ।

Post Views: 754