नेपालले आज स्कटल्यान्डसँग अभ्यास खेल खेल्दै - Chaitanya News
  • 2026-11-21
  • 07:00:06
  • शनिबार,मंसिर ०६, २०८३
  • नेपालले आज स्कटल्यान्डसँग अभ्यास खेल खेल्दै

    नेपालले आज स्कटल्यान्डसँग अभ्यास खेल खेल्दै

    काठमाडौँ– आईसीसी–१९ वर्षमुनिको विश्व कप क्रिकेटअघिको अभ्यास खेलमा नेपालले आज स्कटल्यान्डसँग खेल्दैछ। दक्षिण अफ्रिकामा रहेको नेपाली टोलीले पहिलो औपचारिक अभ्यास खेल खेल्न लागेको हो।

    नेपाल र स्कटल्यान्डबीचको अभ्यास खेल नेपाली समयअनुसार दिउँसो सवा १ बजे शुरु हुनेछ।

    आज नामिबिया र अमेरिका, दक्षिण अफ्रिका र पाकिस्तान तथा अस्ट्रेलिया र भारतबीच पनि अभ्यास खेल हुनेछ। यसअघि नेपालले सोमबार स्कटल्यान्ड र बिहीबार नामिबियासँग खेलेको अनौपचारिक अभ्यास खेलमा स्कटल्यान्डलाई एक सय ३५ र नामिबियालाई ६ रनले हराएको थियो।

    नेपालले दोस्रो अभ्यास खेल मङ्गलवार वेस्ट इन्डिजसँग खेल्नेछ। १९ वर्षमुनिको विश्व कप आउँदो माघ ५ गतेदेखि शुरु हुनेछ।

    यो विश्व कपमा नेपालसहित १६ वटा देश सहभागी छन्।