राष्ट्रपति पौडेल र कोरियाका कृषिमन्त्रीबीच शिष्टाचार भेट - Chaitanya News
  • 2026-11-16
  • 09:19:08
  • सोमबार,मंसिर ०१, २०८३
  • राष्ट्रपति पौडेल र कोरियाका कृषिमन्त्रीबीच शिष्टाचार भेट

    राष्ट्रपति पौडेल र कोरियाका कृषिमन्त्रीबीच शिष्टाचार भेट

    काठमाडौँ– राष्ट्रपति रामचन्द्र पौडेलसँग गणतन्त्र कोरियाका कृषि, खाद्य तथा ग्रामीण मामिलामन्त्री चुङ वाङ केन नेतृत्वको प्रतिनिधिमण्डलले शिष्टाचार भेट गरेको छ।

    त्यस अवसरमा राष्ट्रपतिले नेपाल र गणतन्त्र कोरियाबीचको सम्बन्ध पछिल्ला वर्षमा अझ प्रगाढ हुँदै गएकामा खुशी व्यक्त गरे।

    साथै उनले नेपालको सामाजिक तथा आर्थिक विकासमा कोरिया भरपर्दो साझेदारका रूपमा रहेको बताएको राष्ट्रपतिको कार्यालयले जनाएको छ।

    कोरियाली अन्तर्राष्ट्रिय सहयोग नियोग (कोइका) मार्फत नेपालले प्राविधिक सहयोग एवं जनशक्ति विकासलगायत विभिन्न क्षेत्रमा प्राप्त सहायताका निम्ति कोरिया सरकारप्रति कृतज्ञता ज्ञापन गरे।