उपमेयर डङ्गोलले भनिन्: महानगरलाई दबाब होइन, सुझावको आवश्यक छ - Chaitanya News
  • 2026-11-16
  • 13:36:33
  • सोमबार,मंसिर ०१, २०८३
  • उपमेयर डङ्गोलले भनिन्: महानगरलाई दबाब होइन, सुझावको आवश्यक छ

    उपमेयर डङ्गोलले भनिन्: महानगरलाई दबाब होइन, सुझावको आवश्यक छ

    काठमाडौँ– काठमाडौँ महानगरपालिकाकी उपमेयर सुनिता डङ्गोलले काठमाडौं महानगरलाई दबाबको नभएर सुझाबको खाचो भएको बताएकी छन। सोमबार पत्रकार भेटघाट कार्यक्रममा बोल्दै उनले यस्तो बताएकी हुन्। यस्तै उनले सडक व्यापार व्यवस्थापन गर्ने काम महानगरको नभएको समेत बताएकी छन्।

    उपमेयर डङ्गोलले यो समस्याको दिगो समाधान हुने गरी तत्काल एकीकृत नीति बनाउन संघीय सरकारलाई आग्रहसमेत गरिन्।

    उनले यो समस्या देशभरकै सबै सहरहरूमा भएकाले संघीय सरकारले दिगो समाधान दिनेगरी आवश्यक एकीकृत नीति बनाउन ढिलाइ गर्न नहुने पनि स्पष्ट पारिन्।

    उपमेयर डङ्गोलले सो समस्या समाधानका लागि काठमाडौँ महानगरपालिकालाई दबाब दिने काम नगर्न पनि अनुरोध गरिन्। काठमाडौँ महानगरपालिकालाई कसैको दबाब भन्दा पनि सुझाव आवश्यक रहेको पनि उनको भनाइ थियो।

    डङ्गोलले काठमाडौँ महानगरपालिकालाई आफ्ना नीति र कार्यक्रम अनुसार अघि बढिरहेको पनि बताइन्। आजै बिहान उपप्रमुख डङ्गोलले अभियन्ता ‘ईः’लाई भेटेर उनको स्वास्थ्य अवस्थाबारे जानकारी लिएकी थिइन्।