पाँच प्रदेशमा आज अति भारी वर्षाको सम्भावना, तराईमा हावाहुरीको जोखिम - Chaitanya News
  • 2026-11-21
  • 09:04:13
  • शनिबार,मंसिर ०६, २०८३
  • पाँच प्रदेशमा आज अति भारी वर्षाको सम्भावना, तराईमा हावाहुरीको जोखिम

    पाँच प्रदेशमा आज अति भारी वर्षाको सम्भावना, तराईमा हावाहुरीको जोखिम

    काठमाडौँ । नेपालमा अहिले देशभर मनसुनी वायुको प्रभाव रहेको छ । जल तथा मौसम विज्ञान विभाग, मौसम पूर्वानुमान महाशाखाका अनुसार हाल देशभर आंशिकदेखि सामान्य बदली रहेको छ । कोशी, बागमती, गण्डकी र सुदूरपश्चिम प्रदेशका थोरै स्थानहरूमा हल्का वर्षा भइरहेको छ ।

    आज (बुधबार) दिउँसो देशभर सामान्यदेखि पूर्ण बदली रहने छ । सबै प्रदेशका केहि स्थानहरूमा हल्कादेखि मध्यम वर्षाको सम्भावना रहेको छ । कोशी, बागमती र गण्डकी प्रदेशका केही स्थानहरूमा चट्याङ्गसहित भारीदेखि धेरै भारी वर्षाको समेत सम्भावना रहेको छ । मधेस र लुम्बिनी प्रदेशका तराईका थोरै स्थानहरूमा हावाहुरीको पनि सम्भावना रहेको मौसमविदले जनाएका छन् ।

    राति भने देशभर सामान्यदेखि पूर्ण बदली रहने छ । कोशी, मधेस, बागमती, गण्डकी र लुम्बिनी प्रदेशका थोरै स्थानहरूमा चट्याङ्गसहित भारीदेखि अति भारी वर्षाको समेत सम्भावना रहेको छ ।