प्रत्यक्षतर्फ ३३ प्रतिशत महिला उम्मेदवार अनिवार्य बनाउनुपर्ने निर्वाचन आयोगको निर्णय - Chaitanya News
  • 2026-11-16
  • 13:19:01
  • सोमबार,मंसिर ०१, २०८३
  • प्रत्यक्षतर्फ ३३ प्रतिशत महिला उम्मेदवार अनिवार्य बनाउनुपर्ने निर्वाचन आयोगको निर्णय

    प्रत्यक्षतर्फ ३३ प्रतिशत महिला उम्मेदवार अनिवार्य बनाउनुपर्ने निर्वाचन आयोगको निर्णय

    काठमाडौं– निर्वाचन आयोगले प्रत्यक्ष निर्वाचनतर्फ दलहरुले कम्तीमा ३३ प्रतिशत महिला उम्मेदवार बनाउनुपर्ने कानुनी व्यवस्था गर्ने निर्णय गरेको छ।

    आयोगको सोमबार बसेको बैठकले निर्वाचनसम्बन्धी कानुनलाई संशोधन र एकीकरण गर्न बनेको विधेयकको मस्यौदा पास गरेको छ, जसमा राजनीतिक दलले पहिलो हुने निर्वाचित हुने प्रणालीतर्फ उम्मेदवारी दिँदा कम्तीमा ३३ प्रतिशत महिला उम्मेदवार हुनुपर्ने उल्लेख छ।

    स्थानीय तहको अध्यक्ष वा उपाध्यक्ष, प्रमुख वा उपप्रमुखमध्ये कुनै एउटा मात्र पदमा उम्म्दवारी दिँदा महिला उम्मेदवार हुनुपर्ने समेत आयोगको निर्णय छ।

    वडाअध्यक्ष पदमा उम्मेदवारी दिँदा सम्बन्धित स्थानीय तहमा मनोनयन गर्ने सम्पूर्ण वडाध्यक्षमध्ये कम्तीमा ३३ प्रतिशत महिला उम्मेदवार हुनुपर्ने समेत प्रस्ताव छ।