वर्तमान सत्ता गठबन्धन पाँचै वर्ष चल्ने विमलेन्द्र निधिको दाबी - Chaitanya News
  • 2026-11-16
  • 11:24:14
  • सोमबार,मंसिर ०१, २०८३
  • वर्तमान सत्ता गठबन्धन पाँचै वर्ष चल्ने विमलेन्द्र निधिको दाबी

    वर्तमान सत्ता गठबन्धन पाँचै वर्ष चल्ने विमलेन्द्र निधिको दाबी

    काठमाडौं– नेपाली कांग्रेसका नेता विमलेन्द्र निधिले वर्तमान सत्ता गठबन्धन पाँचै वर्ष चल्ने दाबी गरेका छन्।

    महेन्द्र नारायण निधि स्मृति प्रतिष्ठानले मंगलबार काठमाडौंमा आयोजना गरेको समाज सेवा र शान्ति विषयक विचार गोष्ठीमा निधिले मुलुकको प्रणालीलाई सफल कार्यान्वयन गर्नका लागि पनि वर्तमान गठबन्धन पाँच वर्ष नै चल्ने भन्दै कुनै भ्रममा नपर्न सुझाव दिए।

    उनले कुनै हालतमा गठबन्धन नटुट्ने समेत स्पष्ट पारे। निधिले पाँच वर्ष सँगै हिँडेपनि ८४ को निर्वाचनमा भने कांग्रेस एक्लै लड्नुपर्ने र त्यसको तयारी अहिलेदेखि नै गर्नुपर्ने बताए।

    उनले विभिन्न आन्दोलनबाट प्राप्त उपलब्धिलाई संस्थागतका गर्नका लागि सबैले ध्यान केन्द्रित गर्नुपर्ने भन्दै उपलब्धिलाई संस्थागत गर्न नसके गठबन्धन, समाजवादी मोर्चालगायत सबै निरर्थक रहने जिकिर गरे।

    निधिले उमेरको बहस गर्नुभन्दा पनि विचारको बहस गर्दै पार्टीलाई बलियो बनाउनका लागि ध्यान केन्द्रित गर्न सुझाव दिए।