डोजर लगाएर काठमाडौं महानगरले नियन्त्रणमा लियो सरकारी जग्गा - Chaitanya News
  • 2026-11-16
  • 09:15:42
  • सोमबार,मंसिर ०१, २०८३
  • डोजर लगाएर काठमाडौं महानगरले नियन्त्रणमा लियो सरकारी जग्गा

    डोजर लगाएर काठमाडौं महानगरले नियन्त्रणमा लियो सरकारी जग्गा

    काठमाडौं- काठमाडौं महानगरपालिकाले वडा नम्बर २९ मा रहेको सरकारी जग्गा खाली गराएको छ। वडा नम्बर २९ को वडा कार्यालय बनाउने भन्दै महानगरले डोजर लगाएर सरकारी जग्गा खाली गराएको हो।

    सरकारी जग्गा अतिक्रमण हुनबाट रोकेर संरक्षण गर्दै स्थानीयले खेल्ने ठाउँ बनाएको स्थानमा महानगरले खाली गराएको हो। स्थानीयले सोहि स्थान नजिकै रहेको अन्य दुईवटा सरकारी जग्गामा वडा कार्यालय बनाउन सुझाव दिएका छन्। वडा नम्बर २९ ले भने स्थानीयले खेल्ने स्थानमा नै कार्यालय बनाउने तयारी गरेको छ।

    सोहि अनुरुप वडा कार्यालय बनाउनका लागि सरकारी जग्गा खाली गराएको काठमाडौं महानगर प्रहरी प्रमुख राजु पाण्डेले बताए। उनले सार्वजनिक जग्गा केहि व्यक्तिहरुले अतिक्रमण गरेर बसेकाले नै अतिक्रमित भाग डोजर लगाएर हटाइएको बताए।