चैतन्य सम्बाददाता, Author at Chaitanya News - Page 763 of 1151
  • 2026-11-21
  • 08:50:24
  • शनिबार,मंसिर ०६, २०८३

About Author

प्रमुख प्रशासकिय अधिकृतसहित ८ जनाविरुद्ध मुद्दा

काठमाडौं-  प्रमुख प्रशासकिय अधिकृतसहित ८ जनाविरुद्ध अख्तियार दुरुपयोग अनुसन्धान आयोगले मुद्दा दायर गरेको छ। हुम्लाको चंखेली गाउँपालिकाका प्रमुख प्रशासकीय अधिकृत विष्णुबहादुर शाहीलगायत आठ जनाविरुद्ध विशेष अदालतमा मुद्दा दायर गरेको हो। खानेपानी ट्याङ्की निर्माणका लागि प्राप्त भएको मुख्यमन्त्री स्वरोजगार कार्यक्रमअन्तर्गतको रकममा भ्रष्टाचार गरेको अभियोगमा आयोगले प्रमुख प्रशासकीय अधिकृत शाही, वडाध्यक्ष, उपभोक्ता समितिका अध्यक्षलगायतविरुद्ध मुद्दा दायर गरेको हो। ट्याङ्की निर्माण नगरेकोलाई गरेको भनेर नापी किताव, कार्य सम्पन्न प्रतिवेदन र उपभोक्ताको विलमा चढाई बढी मुल्याङ्कन गरी भुक्तानीको लागि स्वीकृत गरी भुक्तानी गरेको छानविनमा देखिएको थियो। आयोगले प्रशाकीय अधिकृत शाही, इञ्जिनीयर मानबहादुर ऐडी, प्राविधिक सहायक गोभधन बोहोरा, लेखापाल नवीन रेग्मी, चंखेली गाउँपालिका–२ का वडाध्यक्ष हरिहर उपाध्याय, देवकोटावाडा खानेपानी ट्याङ्की निर्माण उपभोक्ता समितिका अध्यक्ष गोपाल विश्वकर्मा, सचिव प्रयोगलाल जैशी र कोषाध्यक्ष नन्दादेवी देवकोटाविरुद्ध ६ लाख ४८ हजार बराबरको बिगो दाबी गर्दै मुद्दा दायर गरिएको आयोगले जनाएको छ । फर्जी विल भरपाई पेश गरी सम्पूर्ण रकम निकासा लिई हिनामिना गरेको भन्ने उजुरी परेपछि आयोगले छानविन गरेको थियो।

News by प्रमुख प्रशासकिय अधिकृतसहित ८ जनाविरुद्ध मुद्दा :