चैतन्य सम्बाददाता, Author at Chaitanya News - Page 255 of 1152
  • 2026-11-22
  • 10:33:38
  • आइतबार,मंसिर ०७, २०८३

About Author

महँगीको दबाबबीच अस्ट्रेलियामा कामदारलाई राहत, २९ लाखभन्दा बढीले पाउने तलब वृद्धि

अस्ट्रेलियामा बढ्दो जीवनयापन खर्च र महँगीको दबाबबीच लाखौँ कामदारले तलब वृद्धिको राहत पाउने भएका छन्। राष्ट्रिय न्यूनतम ज्याला निर्धारण गर्ने निकायले वार्षिक पुनरावलोकनपछि न्यूनतम तथा अवार्ड ज्यालामा वृद्धि गर्ने निर्णय गरेको हो। नयाँ व्यवस्थाअनुसार आगामी जुलाई १ देखि राष्ट्रिय न्यूनतम ज्याला प्रति घण्टा २४.९५ अस्ट्रेलियन डलरबाट बढेर २६.४४ अस्ट्रेलियन डलर पुग्नेछ। यसले न्यूनतम ज्यालामा काम गर्ने करिब एक लाख कामदारलाई प्रत्यक्ष लाभ पुग्ने अपेक्षा गरिएको छ। त्यस्तै, विभिन्न उद्योग तथा पेशामा लागू हुने अवार्ड ज्यालामा ४.७५ प्रतिशत वृद्धि गरिने भएको छ। अवार्ड प्रणालीअन्तर्गत रहेका करिब २८ लाख कामदारले यो निर्णयबाट लाभ लिनेछन्। अवार्ड ज्यालाले तलब, कार्य समय तथा कामदारका न्यूनतम सेवा–सुविधाको मापदण्ड निर्धारण गर्ने भएकाले यसको प्रभाव श्रम बजारको ठूलो हिस्सामा पर्नेछ। अस्ट्रेलियाली सरकारले महँगीका कारण कामदारहरूको वास्तविक आम्दानी घट्दै गएको भन्दै ज्याला बढाउन आग्रह गरेको थियो। हाल देशको मुद्रास्फीति दर ४.२ प्रतिशत आसपास रहेकाले तलब वृद्धि नगर्दा कामदारको क्रय शक्ति कमजोर हुने चिन्ता व्यक्त गरिएको थियो। ज्याला वृद्धिको निर्णयलाई श्रमिकको आय संरक्षण तथा बढ्दो खर्च व्यवस्थापन गर्न सहयोग पुग्ने कदमका रूपमा हेरिएको छ। यसले विशेषगरी न्यून तथा मध्यम आम्दानी भएका कामदारहरूको आर्थिक अवस्थामा केही राहत पुग्ने अपेक्षा गरिएको छ।

News by महँगीको दबाबबीच अस्ट्रेलियामा कामदारलाई राहत, २९ लाखभन्दा बढीले पाउने तलब वृद्धि :