चैतन्य सम्बाददाता, Author at Chaitanya News - Page 179 of 1152
  • 2026-11-22
  • 11:42:32
  • आइतबार,मंसिर ०७, २०८३

About Author

पर्यटन बोर्डको सञ्चालक समितिमा पाँच सञ्चालक सदस्य नियुक्त

काठमाडौँ– नेपाल पर्यटन बोर्डको सञ्चालक समितिमा खुला प्रतिस्पर्धामार्फत मंगलबार पाँच जना सदस्य नियुक्त भएका छन्। नियुक्त हुने सदस्यमा खुमबहादुर सुवेदी, सन्तोष पोखरेल, श्रीजना केसी, पेम्बा शेर्पा र डा।शोभिता श्रेष्ठ ढकाल छन्। पर्यटन ऐन र प्रचलित कानुनी व्यवस्थाअनुसार गठन गरिएको बोर्ड सदस्य छनोट समितिले खुला आवेदनबाट प्राप्त निवेदनको मूल्यांकन गरी उनीहरूलाई नियुक्त गरिएको हो। बोर्ड सदस्यका लागि देशभरबाट एक हजार १०० वटा आवेदन परेको थियो। आवेदकको योग्यता, अनुभव, पर्यटन क्षेत्रमा गरेको योगदान, नेतृत्व क्षमता र समग्र दक्षताका आधारमा छनोट गरिएको बोर्डले जनाएको छ। संस्कृति, पर्यटन तथा नागरिक उड्डयन मन्त्रालयका अनुसार पर्यटन क्षेत्रको नीति निर्माण, गन्तव्य प्रवर्द्धन, लगानी आकर्षण र सार्वजनिक–निजी साझेदारीलाई मजबुत बनाउन खुला र पारदर्शी प्रक्रियाबाट सदस्य चयन गरिएको हो। बोर्डले नवनियुक्त सदस्यको अनुभव र नेतृत्वले नेपालको पर्यटन क्षेत्रको दिगो विकास, अन्तर्राष्ट्रिय प्रवर्द्धन र निजी क्षेत्रसँगको सहकार्य विस्तारमा सहयोग पुग्ने विश्वास व्यक्त गरेको छ।

News by पर्यटन बोर्डको सञ्चालक समितिमा पाँच सञ्चालक सदस्य नियुक्त :