चैतन्य सम्बाददाता, Author at Chaitanya News - Page 493 of 1153
  • 2026-11-22
  • 23:12:48
  • आइतबार,मंसिर ०७, २०८३

About Author

राष्ट्रियसभा सदस्य निर्वाचनः उम्मेदवारले कुन शीर्षकमा कति खर्च गर्न पाउँछन् ?

काठमाडौँ– राष्ट्रियसभा सदस्य निर्वाचनका लागि खर्चको सीमा निर्धारण गरिएको छ। आज (सोमबार) निर्वाचन आयोगले राष्ट्रिय सभा सदस्य निर्वाचनमा उम्मेदवारले रु. तीन लाख ५० हजार बराबरको खर्च गर्न पाउने सीमा निर्धारण गरेको छ। आयोगका अनुसार, मतदाता नामावली खरिदका लागि रु. एक हजार, सवारी साधनमा रु. ७० हजार, सवारी इन्धन रु. १० हजार, प्रचारप्रसार सामग्रीमा रु.१४ हजार ५०० खर्च गर्न पाउने गरी खर्चको सीमा निर्धारण गरेको छ। यसैगरी ढुवानी रु.१० हजार, गोष्ठी अन्तरक्रियाका लागि रु. एक लाख, अन्य प्रचारप्रसार, छापा एवम् विद्युतीय माध्यममा खर्च रु. १४ हजार ५०० खर्च गर्न पाइनेछ। त्यस्तै कार्यालय सञ्चालन रु. ७० हजार, प्रतिनिधि परिचालन रु. ३० हजार र विविध शीर्षकमा रु.३० हजार खर्च गर्न पाउनेछन्। उम्मेदवारले खर्च गर्दा बैंक वा वित्तीय संस्थामा छुट्टै खाता खोली सोही खाताबाट खर्च गर्न र यसरी खर्च गर्दा निजको तर्फबाट खर्च गर्ने जिम्मेवार पदाधिकारी तोकी गर्नुपर्ने आयोगले जनाएको छ। निर्वाचन खर्चको विवरण निर्वाचन सम्पन्न भएपछि सार्वजनिक गरी राष्ट्रिय सभा सदस्य निर्वाचन ऐन, २०७५ अनुसार, आयोगमा पेस गर्नुपर्नेछ। राष्ट्रिय सभा सदस्य निर्वाचन आगामी माघ ११ गते हुँदैछ।

News by राष्ट्रियसभा सदस्य निर्वाचनः उम्मेदवारले कुन शीर्षकमा कति खर्च गर्न पाउँछन् ? :