- 2026-05-24
- 19:43:33
- आइतबार,जेठ १०, २०८३
काठमाडौँ– प्रधानमन्त्री सुशीला कार्कीले सरकारी कर्मचारीले हप्तामा एक दिन परम्परागत पोसाक लगाउनुपर्ने बताएकी छन् । आज (आइतबार) तमु ह्युल छोँज धीँ गुरुङ राष्ट्रिय परिषद्को एक प्रतिनिधिमण्डलसँगको भेटमा उनले आफ्नो परम्परा र संस्कृति बिर्सन नहुने बताएकी हुन् ।
सरकारी कार्यालयहरूमा हप्तामा एक दिन भए पनि कर्मचारीहरूले आफ्नो परम्परागत पोसाक लगाउँदा उचित हुने धारणा उनको छ।
यस्तै प्रधानमन्त्री कार्कीले भनिन्, ‘कतिपय समाज अहिले आफ्नो पहिचानको खोजीमा छन्। आधुनिकताका नाममा आफ्नो मौलिकता बिर्सीर्दै गएको पाइन्छ। आफ्नो पहिचान नै के हो भन्ने उनीहरूलाई थाहा छैन। तर, हामी नेपालीहरूसँग प्रशस्त आफ्नोपन छ। विविध मौलिक संस्कृति र परम्परा छ। यो जोगाउनुपर्छ। बरु सरकारी कार्यालयहरूमा हप्तामा एक वा दुई दिन यस्तो पोसाक लगाउने व्यवस्था गर्ने विषयमा पनि सोच्नुपर्ने हो कि ?’
परिषद्का प्रतिनिधिहरू गुरुङ संस्कृति अनुरूपका परम्परागत वेशभूषामा उपस्थित थिए। उक्त वेशभूषाको प्रधानमन्त्री कार्कीले प्रशंसा गरेकी थिइन्।
संस्कृतिभित्रका कतिपय हानिकारक प्रथा हटाउँदै जानुपर्ने भए पनि आफ्नो मौलिक परम्परा र वेशभूषा भने नछाड्न नहुने धारणा पनि उनले राखिन्।
परिषद्ले आउँदो पुस १५ गते हुने तमु ल्होसारसम्बन्धी कार्यक्रमको प्रमुख अतिथिका रूपमा उपस्थितिका लागि प्रधानमन्त्री कार्कीलाई आमन्त्रण पनि गरेको छ । परिषद्का महासचिव राजु गुरुङले निम्तो पत्र वाचन गरेका थिए।
Copyright © Aishworya Prakashan Pvt. Ltd. All Rights Reserved. Design & Developed by 
