युएईका उपप्रधानमन्त्री औपचारिक भ्रमणका लागि काठमाडौँमा, द्विपक्षीय वार्ता आजै - Chaitanya News
  • 2026-11-19
  • 17:16:37
  • बिहिबार,मंसिर ०४, २०८३
  • युएईका उपप्रधानमन्त्री औपचारिक भ्रमणका लागि काठमाडौँमा, द्विपक्षीय वार्ता आजै

    युएईका उपप्रधानमन्त्री औपचारिक भ्रमणका लागि काठमाडौँमा, द्विपक्षीय वार्ता आजै

    काठमाडौँ– संयुक्त अरब इमिरेट्स (युएई) का उपप्रधानमन्त्री तथा विदेशमन्त्री महामहिम शेख अब्दुल्लाह बिन जायेद अल नाह्यान दुई दिने औपचारिक भ्रमणका लागि काठमाडौँ आएका छन्।

    हिजो (मंगलवार) साँझ काठमाडौँ आइपुगेका उनलाई त्रिभुवन अन्तर्राष्ट्रिय विमानस्थलमा श्रम, रोजगार तथा सामाजिक सुरक्षामन्त्री शरत्सिंह भण्डारी, परराष्ट्र मन्त्रालयका सचिव अमृतबहादुर राई र उक्त मन्त्रालयका अन्य वरिष्ठ अधिकारीहरूले स्वागत गरेका थिए।

    परराष्ट्र मन्त्रालयका अनुसार यहाँ रहँदा युएईका उपप्रधानमन्त्रीले उच्चस्तरीय राजनीतिक भेट गर्नुका साथै उपप्रधानमन्त्री तथा शहरी विकासमन्त्री प्रकाशमान सिंहको नेतृत्वको प्रतिनिधिमण्डलसँग औपचारिक द्विपक्षीय भेटवार्ता गर्ने कार्यक्रम छ।

    उपप्रधानमन्त्री नाह्यानका साथ युएइका परराष्ट्र राज्यमन्त्री अहमद अली मोहम्मद अल सायेघ, आर्थिक तथा व्यापार मामिला सहायकमन्त्री सईद मुबारक राशिद अलहजेरी, ऊर्जा तथा दिगोपन मामिला सहायकमन्त्री अब्दुल्ला बलाला, नेपालका लागि युएईका राजदूत अब्दुल्ला जरवान अलशाम्सी र युएई सरकारका अन्य वरिष्ठ अधिकारीहरू रहेका छन् । उपप्रधानमन्त्री नाह्यान नेतृत्वको प्रतिनिधिमण्डल आजै अपराह्न युएई प्रस्थान गर्ने कार्यक्रम छ।