काठमाडौँ– नेपाली क्रिकेटर कुशल भुर्तेलले त्रिकोणात्मक टी–२० आई सिरिजमा एक हजार रन पूरा गरेका छन्।
पपुवा न्युगिनीविरुद्ध कुशल भुर्तेलले ३९ बलमा ४ चौका र ४ छक्कासहित सर्वाधिक ५९ रन बनाउँदै आउट भए। त्योसँगै १ हजार रन पनि पूरा गरेका हुन्।
कुशलले ३६ खेलमा १ शतक र ८ अर्ध शतकसहित १०१ चौका र ४४ छक्का हान्दै १००८ रन बनाएका छन्। उनी नेपालबाट टी–२० आईमा १ हजार रन पूरा गर्ने दोस्रो नेपाली ब्याटर हुन्। दीपेन्द्रसिंह ऐरीले ५८ खेलमा १ शतक र ८ अर्ध शतकसहित १४७६ रन बनाएका छन्।