आज यी प्रदेशमा वर्षा र हिमपातको सम्भावना - Chaitanya News
  • 2026-11-22
  • 00:05:27
  • शनिबार,मंसिर ०६, २०८३
  • आज यी प्रदेशमा वर्षा र हिमपातको सम्भावना

    आज यी प्रदेशमा वर्षा र हिमपातको सम्भावना

    काठमाडौँ– हाल नेपालमा पश्चिमी वायुको प्रभाव रहेको छ। जसको प्रभावले हाल देशभर आंशिक देखि साधरणतया बदली रहेको छ। देशको पहाडी भू–भागका एक(दुई स्थानमा फाटफुट देखि हल्का वर्षा भइरहेको छ।

    आज दिउँसो कोशी प्रदेश लगायत देशका पहाडी भू–भागमा आंशिकदेखि साधरणतया बदली रही बाँकी भू–भागमा मौसम मुख्यतया सफा रहनेछ। कोशी र गण्डकी प्रदेशका पहाडी भू–भागका एक(दुई स्थानमा फाटफुट देखि हल्का वर्षाको सम्भावना रहेको छ।

    कोशी प्रदेशको उच्च पहाडी तथा हिमाली भूभागका थोरै स्थानहरूका साथै बाँकी उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ।

    आज राति भने कोशी, बागमती, गण्डकी र कर्णाली प्रदेशका पहाडी भू–भागमा आंशिक बदली रही बाँकी भू☼भागमा आंशिक बदली देखि मौसम मुख्यतया सफा रहनेछ। कोशी प्रदेशको पहाडी भू–भागका एक(दुई स्थानमा फाटफुट देखि हल्का वर्षाको सम्भावना रहनेछ। कोशी, गण्डकी र कर्णाली प्रदेशको उच्च पहाडी तथा हिमाली भूभागका एक(दुई स्थानमा हल्का हिमपातको सम्भावना रहेको छ।