चैतन्य सम्बाददाता, Author at Chaitanya News - Page 355 of 1152
  • 2026-11-22
  • 09:54:51
  • आइतबार,मंसिर ०७, २०८३

About Author

संसदीय दलको नेता छनोटका लागि मतदान प्रक्रिया नअपनाउने रास्वपाको निर्णय

काठमाडौँ– राष्ट्रिय स्वतन्त्र पार्टी (रास्वपा)ले संसदीय दलको नेता सर्वसम्मत चयन गर्ने तयारी गरेको छ । आज (शुक्रबार) पार्टीले संसदीय दलको नेता छनोटका लागि मतदान प्रक्रिया नअपनाउने निर्णय गरेको छ। पार्टी नेतृत्वस्तरमा भएको छलफलपछि सबै निर्वाचित सांसदहरूको सहमतिबाटै नेता चयन गर्ने समझदारी बनेको हो। पार्टीका महासचिव कविन्द्र बुर्लाकोटीका अनुसार आन्तरिक सहमतिलाई प्राथमिकता दिँदै सर्वसम्मत रूपमा नेतृत्व टुंग्याउने तयारी गरिएको छ। सोहीअनुसार वरिष्ठ नेता बालेन्द्र साहलाई संसदीय दलको नेताका रूपमा अगाडि सारिएको छ। हाल प्रचलित पार्टी विधानमा भने संसदीय दलको नेता निर्वाचनमार्फत चयन गर्ने व्यवस्था रहेको छ। तथापि, शीर्ष तहमा सहमति जुटेपछि उक्त निर्णयलाई औपचारिकता दिन केन्द्रीय समितिको बैठक आह्वान गरिएको जनाइएको छ। निर्धारित मितिमा बस्ने केन्द्रीय समिति बैठकबाट सर्वसम्मत निर्णयलाई अनुमोदन गर्ने कार्यसूची तय गरिएको छ।

News by संसदीय दलको नेता छनोटका लागि मतदान प्रक्रिया नअपनाउने रास्वपाको निर्णय :